अर्धनारीश्वर स्तोत्र

चाम्पॆयगौरार्धशरीरकायै कर्पूरगौरार्धशरीरकाय ।
धम्मिल्लकायै च जटाधरायनमः शिवायै च नमः शिवाय ॥ 1 ॥

कस्तूरिकाकुङ्कुमचर्चितायै चितारजःपुञ्ज विचर्चिताय ।
कृतस्मरायै विकृतस्मराय नमः शिवायै च नमः शिवाय ॥ 2 ॥

झणत्क्वणत्कङ्कणनूपुरायै पादाब्जराजत्फणिनूपुराय ।
हॆमाङ्गदायै भुजगाङ्गदाय नमः शिवायै च नमः शिवाय ॥ 3 ॥

विशालनीलॊत्पललॊचनायैविकासिपङ्कॆरुहलॊचनाय ।
समॆक्षणायै विषमॆक्षणाय नमः शिवायै च नमः शिवाय ॥ 4 ॥

मन्दारमालाकलितालकायैकपालमालाङ्कितकन्धराय ।
दिव्याम्बरायै च दिगम्बराय नमः शिवायै च नमः शिवाय ॥ 5 ॥

अम्भॊधरश्यामलकुन्तलायै तटित्प्रभाताम्रजटाधराय ।
निरीश्वरायै निखिलॆश्वराय नमः शिवायै च नमः शिवाय ॥ 6 ॥

प्रपञ्चसृष्ट्युन्मुखलास्यकायै समस्तसंहारकताण्डवाय ।
जगज्जनन्यै जगदॆकपित्रॆनमः शिवायै च नमः शिवाय ॥ 7 ॥

प्रदीप्तरत्नॊज्ज्वलकुण्डलायैस्फुरन्महापन्नगभूषणाय ।
शिवान्वितायै च शिवान्वितायनमः शिवायै च नमः शिवाय ॥ 8 ॥

ऎतत्पठॆदष्टकमिष्टदं यॊभक्त्या स मान्यॊ भुवि दीर्घजीवी ।
प्राप्नॊति सौभाग्यमनन्तकालंभूयात्सदा तस्य समस्तसिद्धिः ॥

इत्ति श्री आदिशंकर भगवत्पदा विरचितम अर्धनारीश्वर स्तोत्रम सम्पूरणम् |