Ek raadhaa ek meeraa donon ne shyaam ko chaahaa

Ek raadhaa ek meeraa donon ne shyaam ko chaahaa 
antar kyaa donon kee chaah men bolo 
ek prem deevaanee ek daras deevaanee

raadhaa ne madhuban men ḍhoonḍhaa meeraa ne man men paayaa 
raadhaa jise kho baiṭhee vo govind meeraa haath bika_aayaa 
ek muralee,ek paayal,ek pagalee, ek ghaayal 
antar kyaa donon kee preet men bolo 
ek soorat lubhaanee, ek moorat lubhaanee 
ek prem deevaanee ek daras deevaanee

meeraa ke prabhu giridhar naagar raadhaa ke manamohan 
raadhaa nit shrringaar kare aur meeraa ban gayee jogan 
ek raanee ek daasee donon hari prem kee pyaasee 
antar kyaa donon kee tripti men bolo 
ek jeet n maanee ek haar n maanee 
ek raadhaa ek meeraa donon ne shyaam ko chaahaa 
antar kyaa donon kee chaah men bolo 
ek prem deevaanee ek daras deevaanee