Prem tumase kiyaa hai o baabaa

Prem tumase kiyaa hai o baabaa, 
saath meraa nibhaanaa padegaa  
bhakt vatsal ho tum to saanvariyaa, 
aaj tumako dikhaanaa padegaa 

meeraa ke prem vash men hokar,
toone amrit banaayaa jahar ko
raaṇaa ne laakh kaanṭe bichhaa_e, 
toone aasaan kiyaa thaa ḍaagar ko

sarp ke us piṭaare ko fir se, 
puṣp haar banaanaa padegaa 
meet teraa banaa thaa sudaamaa, 
dukh men bhee to tujhe thaa rijhaataa 

fooṭee kaudee bhee paas naheen thee, 
bhaavanaa kaa vo bhog lagaataa 
aaj fir se vo tndul kanhaiyaa,
tujhako bhog lagaanaa padegaa

prem arjun ne tumase kiyaa to, 
rath ko usake thaa tumane chalaayaa
jo bane draupadee ke the bhraataa, 
cheer usakaa thaa tune baḍhxaayaa

gyaan geetaa men tumane diyaa jo, 
aaj fir se sunaanaa padegaa
jisane tumase hai prem banaayaa, 
tum samajh lete unake ishaare

aisaa hamane sunaa hai kee baabaa, 
haare ke tum ho banate sahaare
"kamalaa" ke bhee to prem kaa baabaa, 
mol tumako chukaanaa padegaa