Krishna Bhajan - Saanvare ko dil men basaa ke to dekho

Saanvare ko dil men basaa ke to dekho
duniyaa se man ko haṭaa ke dekho
badaa hee dayaalu hai baanke bihaaree
ik baar vrindaavan aa karake to dekho

baanke bihaaree bhakton ke diladaar
sadaa luṭaate hain kripaa ke bhaṇaḍaar

meeraa ne jaise giridhar kee paayaa
pyaalaa zahar kaa amrit banaayaa
meeraa see hastee miṭaa kar to dekho
ik baar vrindaavan aa kar ke dekho

teree pal men jholee vo bhar degaa
duahkh dard jindagee ke vo har legaa
chaukhaṭ pe daaman failaa kar to dekho
bas, ik baar vrindaavan aa kar to dekho

‘chitr vichitr’ kaa to bas yahee kahanaa
prabhu charaṇao se kahee door naheen rahanaa
jindagee yah bndagee men miṭaa kar to dekho
ik baar vrindaavan aa kar ke dekho