Tero Laal Yashoda Chhal Gayo Ri,
Mero Makhan Churakar Badal Gayo Ri ॥
Mainne Chori Se Ise Matki Uthate Dekha,
Aap Khate Hue Auro Ko Khilate Dekha,
Naachkar Ghoomkar Kuchh Neeche Giraate Dekha,
Maal Chori Ka Ise Khoob Lutate Dekha,
Maal Chori Ka Ise Khoob Lutate Dekha,
Mere Munh Par Bhi Maakhan Mal Gayo Ri,
Tero Laal Yashoda Chhal Gayo Ri ॥
Hath Aata Hi Nahin Door Door Rahata Hai,
Chor Hai Chor Ye Chori Mein Choor Rahata Hai,
Chori Kar Ke Bhi Sada Beksoor Rahata Hai,
Sar Pe Shaitani Ka Iske Phitoor Rahata Hai,
Sar Pe Shaitani Ka Iske Phitoor Rahata Hai,
Mere Makhan Ki Matki Udal Gayo Ri,
Tero Laal Yashoda Chhal Gayo Ri ॥
Haskar Mangta Hai Aur Kabhi Rota Hai,
Apne Hatho Se Dahi Aap Hi Bilota Hai,
Ye Din Pe Din Bhala Kyon Itna Hati Hota Hai,
Na Do to Dhul Mein Hi Lautata Aur Sota Hai,
Na Do to Dhul Mein Hi Lautata Aur Sota Hai,
Mero Aanchal Pakadkar Machal Gayo Ri,
Tero Laal Yashoda Chhal Gayo Ri ॥
Ise Samjha De Yashoda Ye Tera Beta Hai,
Chor Gwalo Ka Ek Ye Hi Chor Neta Hai,
Maar Padti Hai Inhe Aur Ye Maja Leta Hai,
Iske Badle Mein Jara Banshi Baja Deta Hai,
Iske Badle Mein Jara Banshi Baja Deta Hai,
‘jaya’ ‘moti’ Kanha Ki Sharan Gayo Ri,
Tero Laal Yashoda Chhal Gayo Ri ॥
Tero Laal Yashoda Chhal Gayo Ri,
Mero Makhan Churakar Badal Gayo Ri ॥
