duniya rachane vaale ko bhagavaan kahate hai,
sankat harane vaale ko hanumaan kahate hai|
ho jaate hai jisake apane paraaye
hanumaan usako kanth lagaaye,
jab rooth jaaye sansaar saara
bajarang bali tab dete sahaara,
apane bhakto ka bajarangee maan karate hai
sankat harane vaale ko hanumaan kahate hai|
duniya mein kaam koee aisa nahin hai
hanumaanajee ke jo bas mein nahin hai,
jo cheej maango pal mein milegee
jholee ye khaalee khushiyon se bharegee,
sachche man se jo bhee inaka dhyaan karate hai
sankat harane vaale ko hanumaan kahate hai|
kat jaaye sankat inakee sharan mein
baith ke dekho bajarang ke charan mein,
bhakt kee baato ko jhooth mat maano
phir na phasonge tum jeevan maran mein ,
inake sine mein sada siyaaraam rahate hai
sankat harane vaale ko hanumaan kahate hai |
